Tuigeann Teagasc, mar aon lena chuid custaiméirí agus leis an bpobal i gcoitinne, an tábhacht a bhaineann le hardchaighdeán seirbhísí. Cé go mbíodh sé i gcónaí de nós ag Teagasc béim a leagan ar chaighdeán a chuid seirbhísí, bheartaíomar le déanaí athbhreithniú a dhéanamh ar an réimse seirbhísí atá á gcur ar fáil againn agus ceangaltais ar leith a chur i scríbhinn maidir le caighdeán na seirbhísí sin.
