Dhá Cheapachán Nua chuig Údarás Teagasc

Tá Elaine Houlihan agus Vanessa Kiely O’Connor ceaptha ag an Aire Talmhaíochta, Bia agus Mara, Charlie McConalogue T.D. chuig Údarás Teagasc.

Is Uachtarán Mhacra í Elaine Houlihan agus is ainmniúchán Mhacra í, agus is comhalta boird í Vanessa Kiely O’Connor ar Chomharchumann Dhroichead na Bandan agus is ainmniúchán Chumann Comhar-Eagraíochtaí na hÉireann Teoranta (ICOS) í.

Is as an Áth Leacach, Contae Luimnigh d’Elaine agus is fisiteiripeoir agus feirmeoir mairteola páirtaimseartha í. Toghadh í mar Uachtarán Mhacra, thosaigh sí ar an bpost i mí na Bealtaine 2023. Roimhe sin, bhí sí ina Leas-Uachtarán Mumhan ar Mhacra ar feadh dhá bhliain.  Is as feirm laonna agus laonna go heallach mairteola d’Elaine, chuir sí an Teastas Glas i gcrích i gColáiste Talmhaíochta Salesian, Pailís Chaonraí, Co. Luimnigh. D’fhreastail sí ar Saxion University of Applied Science san Ísealtír chun staidéar a dhéanamh ar fhisiteiripe. Mar Uachtarán Mhacra, déanann Elaine ionadaíocht ar chomhaltas na n-eagraíochtaí ag leibhéal áitiúil, náisiúnta agus Eorpach ar shaincheisteanna a bhfuil tionchar acu ar phobail feirmeoireachta faoin tuath.  

Is feirmeoir déiríochta í Vanessa Kiely O’Connor as Inis Eonáin, Contae Chorcaí. Bhain sí Dioplóma amach i dTreorú Corparáideach (Gnólacht Bia) ón gclár COC/ICOS, agus tá Dioplóma aici freisin in Eolaíocht an Chomhshaoil agus Beartas Sóisialta, ó COC. Is comhalta boird í ar Chomharchumann Dhroichead na Bandan agus tá sí ar bhord Clóna Dairy Products freisin. Is ball í de Women in Agriculture Stakeholder Group agus tá sé ar choiste Gnólacht Feirme de chuid an ICMSA. Tá go leor gradaim feirme buaite ag Vanessa i gcáilíocht agus inbhuanaitheacht.

Agus í ag labhairt ag cruinniú Údaráis Teagasc i mBaile an Phaghanaigh inniu, Dé Céadaoin 4 Deireadh Fómhair, chuir Liam Herlihy Cathaoirleach Theagaisc fáilte roimh Vanessa agus Elaine chuig an Údarás agus dúirt sé; “Táim ag súil le bheith ag obair le Vanessa agus Elaine sna blianta amach romhainn, Tugann siad scileanna, eolas agus saineolas tábhachtach go dtí an Údarás, a bheidh ina chabhair do breithniúcháin bhord Theagaisc sna blianta amach anseo.”

Ghabh Liam Herlihy buíochas le Pat Duffy agus John Buckley a chuir a dtéarmaí i gcrích in Údarás Teagasc. Dúirt sé; “Ar son chomhaltaí an Údaráis, bhainistíocht agus an fhoireann, gabhaim buíochas le Pat agus John as ucht a n-ionchuir iontacha do Theagasc agus iad ina gcomhaltaí den Údarás”.